انا مش هطول عليكم ...
انا بختصار مش عارفه امى معاملتها معايا غريبه اوى اوى امى بتخبى منى الاكل اه والله زى مابقولكوا كدة
انا مش عارفه هى بتعمل ليه معايا كدة امى تعبانه وعندها السكر ومش بتحافظ فى الاكل خالص كل مااقولها حافظى ياماما تقولى انتى مش عايزانى اكل وعايزة تموتينى هى بتصلى ومش بتسيب فرض والله الا لما تكون تعبانه اوى تفضل نايمه وبعدين كل ما تعمل اكل وخصوصا لو فى لحمه او كدة تحط مثلا حته او اتنين علشان لو انا دورت على الاكل وتعين باقى اللحمه تلمها وتخبيها فى طبق تانى وتخبيه انا والله مش شاغله دماغى بحاجه ولا انا اكيله ولا ليه فى اللحمه اصلا اوى حتى من زمان اوى بقولها انا نفسى ياماما فى اكل فرخه بلدى تقولى طيب هبقى اجيب واديكى وبعدين هى مربيه على السطح ولما بتلاقينى مش موجودة فى البيت بتبعت اخويا يدبحلها وتتسويها وارجع الاقيها كلت منها وخبت بقيتها وبعدين انا بتصعب عليه نفسى اوى والله انا مش وحشه ولا طماعه بس مش بصدق ان امى اللى ولدانى بتعمل كدة وبشوف ناس ربنا يحفظهم يارب بيطلعوا اللقمه من بؤهم علشان يدوها لعيالهم وانا كمان كام شهر هتجوز وبشتغل وبابايا مسافر وبيجهزنى وبحس انه حنين عليه عنها انا بحكيله بيقولى معشلى كل مااقولها هاتى اشحن او اجيب سندوتشات تقولى هاتى من معاكى قريب كنت قلبت الشقه والبيت كله عليه بعمله وبشتغل كمان علشان احوش واجيب فى بدايه جوازى اى شىء ناقصنى تقولى انتى ماتعمليش حاجه طلبت منها 5 جنيه اجيب كريم علشان اسرح شعرى تقولى هاتى من معاكى وهى بتجيب لنفسها كل حاجه مش بتحرم نفسها من حاجه ولما حكيت لبابا قاللى اصرفى من معاكى وانا هبعتلك من وراها وسجلى كل اللى صرفتيه واانا هبعتلك ضعفه طيب ليه تعمل كدة معايا هو انا مش بنتها؟ ودلوقتى راحت عند خالتى وسابتنى لوحدى فى البيت وبتقولى ابئى اقلى بطاطس وانا دلوقتى بشتغل والله ومش بخلص الا الساعه 6 وبعدين ورايا حاجات تانيه بعملها وهى مش بتمد ايديها فى اى حاجه ولا بتساعدنى ولما اقولها ساعدينى تقولى هو انتى بتعملى حاجه ولا بتطبخى عايزانى كمان اطبخ وهى والله والله والله مابتعمل كل يوم اكل واول امبارح نمت من غير مااكل ونسيت اكل والله حتى كله بيقولى انتى خسيتى كدة ليه ونا مش ببين دة كله وفى موقف تاعبنى اوى حصل منها...
كنت رايحه عند عمتى وبعدين قولتلها انا مش فطرت ياماما ووعايزة اكل قالتلى خدى هاتيلك سندوتشات وروحى كليها عند عمتك روحت واخدت الفلوس واتكسفت اجيب واروح اكل عند عمتى وبعدين كنت جعانه اوى وبعدين قولت لما هروح هجيب واكل وبعدين ماكلتش وقولتلها طيب مش هتيجى معايا قالتلى لا انا تعبانه وعايزة اانام روحت ورجعت بدخل الحمام لاقيت حله الرز على ادها وببص لاقيتها عامله ديك بلدى وسايبه الورك وسدر كمان كدة قولت يارب تقولى خدى كلى علشان نفسى فيه وبعدين قولتلها ماما انا مش كلت وخدى الفلوس اهيه وهى عارفه ان انا مش باكل الا الورك وبعدين على مادخلت الحمام لاقتها مسكت الورك وقطعته نصين وبتاكل فيه حاف وهى كانت كلت ..انا عارفه انه عيب اتكلم فى الكلام دة بس والله دة اللى بيحصل وربنا شاهد بحق الادان دة يارب ان انا مش بكدب فى اى كلمه وبعدين بتجيب لنفسها كل اللى نفسها فيه وانا لما بقولها هاتى اشحن او حاجه بسيطه تقولى معيش فلوس وبابا بيكون لسه باعتلها والله وتبقى بصه للمرتب بتاعى وعايزانى كمان اجيبلى بيه بيجامات واجهز نفسى بيه وانا بحوش علشان احط فى البنك ليه فلوس لو حصل لا قدر الله اى حاجه فيما بعد ذلك وخطيبى الله يخليه يارب يتمنالى الرضا ولو طال يجيبلى نجمه من السما هيجبهالى بس بردو انا مش متعودة ف حياتى اطلب حاجه من حد حتى لما هيبقى جوزى حسه ان انا مش هعرف اطلب منه زى بابا كدة ..ادعولى ربنا يفرج عنى ويهدى امى والله يسامحها بءة يارب
معلشى انا عارفه ان انا طولت عليكوا بس بجد حسه ان انا لوحدى وكل اصحابى بعدوا عنى من ساعه مااتخطبت وبحس ان عمتى احن عليه من امى لما بروح عندها بتطلعلى كل الحلو والاكل وانا والله ببئة مش عايزة حاجه اللى عايزاه من امى ان انا احس بس بحنيتها عليه مش عايزة اكتر من كدةوالله والله على مااقول شهيد
الرئيسية 
