هادي قصيدة تعجبني بزاف تاع الهاشمي قروابي:
أبدا عمري ما نزيد نتلفت لورايا
الماضي راني غلقت بابو وقضيت عليه
أمضات أحوالو كلها حتى للناهية
ماباقي في البال غير راحة بعد هواليه
كلي شي ما صار بقات قصاتو غير حكاية
أطفات شموعو طاح ليل النسيان عليه
قضيت على أهل الخدع والرشوة والشفاية
بياعين القرد ويضحكو على اللي يشريه
إذا كان حقك باين يسطع كي المراية
القاضي بشطارتو يغموا ويغطيه
يحطم المظلوم ويزيد للظالم عناية
غاب الحق والباطل إنتصر وزهات ماليه
من الفعل المذموم طال همي وأكثر حشايا
فعل الخير لا يمن يساومو ولا من يشريه
والقاضي يبغي المال ويحب الهدايا
وإذا ما عندكش غير روح شوف واين تبات لهيه
الرجوع إليك يا خالقي يا مولايا
الحق دايما يعلا ولا يعلا عليه
هذه الدنيا كلها في مسرح رواية
كل واحد فيها يمثل دورو رغما عليه
والغافل خليه راقد في غفلة وسهاية
إذا طال الحال لازم حسابو يصفيه
إفهم قولي يا لبيب وإفهم رفقة معنايا
إلى ترهنو غير بيعو ما تندمش عليه
الرئيسية 
