من دلوقتي تلاقي زحمة علي البقالة والعطارين
لزوم الكحك والبسكويت واللذي منه
واتفرج اول يوم العيد علي كل بلد في مصر وهيا متجمعة في مكان واحد يصلوا العيد
وبعد الصلاة المسحراتي اللي تعب معانا طول رمضان وهوا معدي يلم الكحك والعيدية
مع اختلاف بسيط خالص
زمان كان المسحراتي بيلف علي حمارته ووراه الاطفال بيلعبوا
النهاردة المسحراتي راكب تيروسيكل ووراه المتشردين بيتشعبطو
وخد عندك بقي من التلبك المعوي اللي بيحصل في العيد
الشعب الوحيد اللي ممكن يفطر محشي ولحمة هوا الشعب المصري
لا ومش كده وبس
طول مانته قاعد طول النهار فول سوداني وترمس
وعلي اخر النهار تحس انك بقيت طرزان من كتر السوداني وهاتنط تتشعبط في
المروحة العيـــديـــة الخماشر جنيه اللي عليك
ولا والاجمل مليون صنف الكحك اللي بتجربهم في اليوم الواحد
مانته لو ماكلتش الكحك بتاع خالتك يبقي انته بتحب عمتك اكتر
وطبعا احلي شئ في العيد هوا العيدية العيـــديـــة الخماشر جنيه اللي عليك
العيـــديـــة الخماشر جنيه اللي عليك العيـــديـــة الخماشر جنيه اللي عليك
دي اللي بتخليك تزقطط وتفرفش
مع اختلاف بسيط بردوا
زمان كان الواحد بيقعد مكسوف بعد صلاة العيد مستني باباه يديله العيدية
دلوقتي الواحد مننا بيدخل علي ابوه ( يلا ابرز بالعيدية ياحاج خلينا نزيط )
اختلاف بسيط
وكل عام وانتم بالف صحة وسلامة
الرئيسية 
