مطلوب عروسه : على سلامه

مطلوب عروسة

مطلوب عروسة طيبة
ومتعلمة ومؤدبة
ومؤمنة بالقضاء والقدر
سنها من سني
أصغر أو أكبرمنى
مش هنختلف

المهم مبتعرفش تطبخ
عشان مش هقدرأجيب
أي حاجة تنفع للطبيخ
وتكون بتحب القراءة
وتهوى الرحلات
وتعشق السفر
مش عضو في أي حزب
وطبعاً عارفة ان الكدب حرام
بتحب الكورة ..
مهمومة بالدوريالعام ..
وملفوفة القوام .
حلوة وزي القمر ..
شعرها ناعم حرير ..
ملهاش أي مصلحة
فـــ شارع القصرالعيني ..
أو مجمع التحرير ..
وفاهمة كويس ميدان الجيزة ..
مش متابعة جلسات مجلس الشعب
ولا بتسمع البيان الختامي
لأي مؤتمر ..
وتكون من عيلة بتشتري راجل
لا عايزة شبكة ولا مهر ..
وأنا بقى .....
خبرة في المرمطة ..
وجميع أشكال القهر ..
مواطن من إنتاج مناهج

وزارة التربية والتعليم ..
ثانوية عامة ..
النظام القديم ..
أيام الأرنب الغضبان ..
والخس والجزر ..
وزي النسمة والله ..
يعني تعتبرني من دلوقتي
مش موجود ..
لا حس ولا خبر ..
بس مخي نضيف ..
وعاقل ورزين ..
وعندي شوية نظر ..
ورغم إني ياما أتزحلقت ..
لكن لسة بفرح بالمطر ..
على فكرة ......
أنا حاجز شقة بحري
أربعين متر..
أخر طريق الواحات ..
بس لسة محطوش الأساس ..
عشان تقريباً ..
مش لاقيين الحجر

عايز عاروسه تكون حوله ورجليها مشحوله

مش مهم تقول على السكر اكر

ولا على الملح دى معسوله

مخها ضارب وشعرها منكوش

روحى يا شيخه يارب يدوس اتوبيس

يارب تاكل اكله باخخ فيها تعبان او حتى

حتت عجوه مليانا سم فران

يلا سلام

» حجازى متقال افرحى يا عروسه
» الف سلامه عليك
» الف سلامه لك ياعمري
» مطلوب تعليقاتكم
» حضرت المتهم انت مطلوب في قضية حب