إلاَّ الـنـَّبـِى يامُجـرِمـين ...!
***
من كلمات
**
الطبيب الشاعر / د. محمد رزق
*
إلاَّ النـَّبى يامُجـرمـين ...!
جَـنب النـَّبى تِـبقوا انتوا مِـين ؟!
...
حَـبـِّة رِعاع مالكوش تـَمَن ،
أو حَـتـَّى مِـلـَّة واللاَّ دِيـن ؛
أمَّـا النـَّبى دا المـُصطـَفـَى
أحـمَـد إمام المُـرسَـلـين
زَوجاتـُه يـِشـهَـد رَبـِّنا
أطهَـر نِـســاءِ العالـَمـين
***
كان النـَّبى صادِق أمـين
كان المَـثـَل ، كان المَـنار
كان المِـسـامِح والكـَريم
كان الأمَـل ، كان العَـمار
كان الهـِدايَة والـتـُّقـَى
كان المُـجير لـ اللى استجار
بَـلـَّغ رِســــالِة رَبـِّنا
خـَلـَّى الضـَلام أصبـَح نـَهار
***
إلا النـَّبى ؛ ماسمَحـلـِكوش ؛
غِـير إنـِّكوا تصـَلـُّوا عَـلـيه
وان كـُنتوا لِـسَّـه ماتِـعرَفوش
شوفوا حَ نِـقدَر نِـعمِل ايه ..!
مِن بُـكرَة حَ نجـَيـِّش جيوش
تِـنصُـر نـَبـينا وتِـفـتِـديه
ونرُد كِـيد المُـعـتـَدِى
والجانِـى حَ نـخـَزَّق عِـنـيه
***
يامُسلمين ياللا انصروه
قاطعوا البَـضايـِع كـُلـَّها
واللى افتـَرَى إوعوا تسـيـبوه
بـِالسَّـهل يـِخـرُج مِـنـَّها
حُـكـَّام بـِلادُه يـِعـدِموه
أو يطردوه من أرضها
لـَو يـسـكـُتوا أو يـِسـنِدوه
يـِقـدَر إلاهـِى يهـِدَّها
***
مين اللى فيكوا ليه كيان ..؟
من غير وجود طه الحبيب ..؟
من غيره حَ يضيع الأمان
واللى اغترب يفضل غريب
واللى افترى فيكم وخان
تافه حقير قاصد يعيب
ومسره ح يدوق الهوان
والذل والنار واللهيب
***
تـَبَّـت يَـدا غاشِـم لـَعـين
يـِرسِـم صِـوَّر أهل النـَّبى
ويهـِز صورِة مؤمِـنـين
صانـوا الحقوق لِـلأجـنـَبى
والمُـسـتـَباح مِـش بَـس دِيـن ؛!
دِيـنى ويَـقـيـنى ومَذهـَبى
واحلِف بـِرَب العالمين
حَ اهـزِم عَـدِوَّك يانـَبى
***
الطبيب الشاعر / د. محمد رزق
*
فداك نفسى وروحى وكل ماأملك ياسيدى ياحبيبى يارسول الله ..
*