** أنــواع مِــن الـناس ...
***
زَجَــــل
من تألــــيف
... ... *
الطبيب الشاعر
د. محمد رزق
***
بابـُص ع الناس ألقاهـُــــم
فى الدُّنــيا دِى أنــــــــــواع
فى ناس إيمانهُـم جُـوَّاهُــم
وناس إيمانهـُــم ضــــــــاع
وناس خانِـتهـُـم دُنياهُـــــم
وناس فـيهـُــــم خِــــــــداع
وناس ماتِســـمَع ويَّـاهـُــم
غـِير دَعوَه عَ اللـَّى بــــاع
وناس غـِيرهــُـــم كِـتـِيـرَه
عايشين مِن غِـير حَــــياه
*********
وابُـص ف رُكـــن تـانِـى
ألاقـِـى نـــاس تِعــيــــش
وتِـحــــــــــــلـَم بالأمانـِى
وتِـصـــــبـَح ماتلاقـِيـــش
ونـاس بـِتـقـول عَـشـانـِى
يادُنــيا ماتخـونـيـــــــــش
ونــاس بـِتـبــيع أغــــانى
وناس بـِـتـبــيع حَـشـيـش
وناس عايشين فى حيرَه
تايـهين بـين مال وجـــاه
*********
ونـاس تانـيـيـن قـُصـادِى
م الفـَـقـر بـِتـِســــتـَخـَبـَّى
ونــاس تِـزرَع فِـى وادِى
وتـِحـصـُــــــد حَـبَّه حَـبَّه
ونــاس مـَــادَّه الأيــــادِى
بـِـتـــِـبـدُ ر فى الـمَحَـبـَّـه
وناس بـِتـقـول بـِـــــلادى
ونـاس بـِتـقـول ياغـُربَـه
وناس بـِتموت فــَـــقِـيرَه
ونــاس عايـشـين طـُغـاه
*********
وناس تـِـد فـَع وتـِــطـلـَع
م الـســِـــجـن تـلِــم مــال
وناس لـِلخـِـــير بـِتـِمنـَع
ونــاس أولاد حـَـــــــلال
وناس بـِتـحـــِـب تِـخـــدَع
ونــاس تِـهـــوَى الجـَـمال
وناس فى الصَّخـر تِقطـَع
عـَـشـان قــُــــُوت العِــيال
وناس تِـشـرَب فى بـيــرَه
ونــاس ماشــيـيـن حـُـفاه
*********
بـِيـشــكــوا لـ اللـِّى عالـِم
بـِكـُـــــــلِّ المَـخـلـوقـــات
وناس دايـمـــاً تِـســــالـِم
ويـطــــويـها الـســُـــكات
وناس تـِــــرفـَع مَظــالـِم
وناس تـِكـــــتـِم آهـــــات
وناس تِـشــــهـَد لِـظـالـِم
بـِمَبـدَأ خـــُـــــد وهـَـــات
لـَجـــل ماتِـفضـَـل كبـيره
بـِتجامِـل فى الجـُـــــــناه
*********
وناس فى الدُّنيا لايصَـه
بـِتاكـُــل عِــيـش وحـاف
وناس فى الحُب هايصَـه
وناس م الـناس تِخـــاف
وناس بالكِــد ب مايصَه
وناس حِــلوين ظـُــراف
وناس للأهــــل عايصَـه
ماتِعــرَفـــشِ العــَـــفاف
وناس بـِتعــيش أجـِــيرَه
دايــماً يـِحـــنوا الجـِــباه
*********
وناس بـِتـشــيل مَـطاوى
وتـِســــرَق م الجـيـــوب
وناس جــُــــوَّا القـَهاوِى
بـِتـِفــــرِز فى الـعِــيـوب
وناس تـِعــمِـل بــَـلاوِى
عَـشــان تـَمَن الحـبوب
وناس تـِعـشــَق غـَناوى
وناس تـِهـوَى الحُروب
وناس تـِفـرِش حَصِـيرَه
فى عـِـشِّ النـــور مَـلاه
*********
وناس تـِضـــحـَك تِـدارِى
بـِضـِـــــحكِـتها العـَـــذاب
وناس بـِتـقــــول يانـارِى
لـَو اعـتـَر فى اللِّى غـاب
وناس بـِتـشــِـــــم هارِى
وناس تـِســــكـَر هـِـباب
وناس تـِعـرَف تِجـــارِى
تـِعـيـب زَى اللى عـــاب
وناس مالهـُمـش خِــيرَه
حَ تـِسـكـُت واللاَّ هـاه ...
*********
وفــــوق الخـَلـق راعِــى
وســـُــــــبحانـُه الإلــَــــه
وعــــــالِـم بالمَـســــاعِى
وعــــــــالـِم باللـِّى تـــــاه
ورازِق كــُــــــــلِّ ساعِى
فى أرضـُــه مِن سـَـــماه
وخــــــالِـق عـَقـل واعـِى
وعـــــارِف إيــه مـُــــــناه
ولـــُـــه آيـــــــات كِـتِـيـرَه
بـِتـِشــــــــهـَد بالحــَــــيـاه
*********
*****
***
*
الرئيسية 
