ابن النيل المراقب العام
عدد المساهمات : 3519 العمر : 37
| موضوع: الـمُهـِم تعـيش بـِـلادِى ... السبت 18 فبراير - 20:39 | |
|
[ندعوك للتسجيل في المنتدى أو التعريف بنفسك لمعاينة هذا الرابط]
الـمُهـِم تعـيش بـِـلادِى ... *** من كلمات ** الطبيب الشاعر / د. محمد رزق ... * * * هاتِـى بَـعـضِك واسكـُنـينِـى
أبـقـَى لـيكِى وتِـبقِـى لِـيَّـا ؛
مِـدِّى إيـدِك وامسِـكيـنِى
واحضُنـينِـى وحِـسِّـى بـِيَّـا ؛
جُـوِّا قـَلـبـِك وابـدُريـنِى
لـَملِـمى الخير اللى فِـيِّـا ؛
هاتِى فاسِك قـَلـِّبـينِى
وازرَعِى سـنـينِى اللى جَايَّـة ...
*
ياحَـياتِـى إيـه مُرادِك ؟
إطلـُبـِى والـمَجد لِـيكِى ؛
مِ اللى حَـبـِّك ؛ واللى رادِك ؛
واللى بـِالـرُّوح يـِفـتِـديكِى ؛
أىِّ واحِـد مِن وِلادِك
تِـسكـُنـيه ، بـِيحِـسِّ بـِيكِى ؛
والله مانِـرضَى بـسُـهادِك
أو نِـشوف دَمعِـة عِـنـيكِى ...
*
صَدَّقِـينِى ياأمـيـرَة
بُـكرَة يـِرجَـعـلِـك هـَناكِـى ؛
كـُلِّ أحلامِى الـكِـبـيرَة
إنـِّى اشـوف الخير مَلاكِـى ؛
ماتـكونـيش لِـلخوف أسـيرَة
ماتخافـيش ، رَبـِّك مَعاكِـى ؛
ماتجـيـبـيش لِـلماضِى سِـيرَة
وِامشِى ماتـبُـصِّـيش وَراكِـى ...
*
عـودِى تانِـى ، طـَمِّـنـينا
واكشِـفِـى غادِر وخايـِن ؛
يابـِلادِى : حَـرَّريـنا
دا الـنـَّهار واضِح وِبايـِن ؛
واللى خايـِف تِـحرمـينا
واللى عَـنـدُه الحُـبِّ هايـِن ؛
لـَو حَ يـِلـقـَى الـحُـبِّ فِـينا
بُـكـرَة حَ يـبَـطـَّل يـِداهـِن ...
*
ياحَبايـِب : ياللا بـِينا
جَـمَّعـوا كـُلِّ الأيـادِى ؛
طـُول مالِـسِّه الـحـُبِّ فِـينا
مُـسـتـَحـيل يـِهـزِمنا عادِى ؛
بَـسِّ قـُبطان الـسِّـفـينـَة
يـِبقـَى أبِّ يـقـول وِلادِى ؛
مِـش مُهـِمِّ ازَّاى عانـِينا
الـمُهـِمِّ تـعـيش بـِلادِى ...
*** ** | |
|