** أحـــلـَـى الحــــــــواديــت **
كلمات
الطبيب الشاعر د / محمد رزق
لو قـُلت قـَطر النـَـــــدا
إنتِ النـَـــــدا ذاتــُـه
وان قـُلت عـُمرى ابتدا
تِـبـقــِــى بـداياتـُــــه
والقـلـب فى محـبـِتــُـه
يحـكـِـى حكــاياتــُـه
ألـحـــــانـُه فى دَقـِّتـُــه
تِـعـزفـــها نـاياتــُــه
---------------------
اللحن الأول عـَن معـنـَى
بـيــــــن قلب وقلب
هو اللى تمللى بيجمعـنا
فى طــــريق الحـُب
وينوَّر ســـكة خطاوينا
قـَـرَّبـنا يـارَب
---------------------
واللحن التانى يقول كِــلمه
مِـــش أى كـــــلام
فى طريقنا تنـسِّم ع النِسمَه
تـِـرسـِـــــم أحـلام
والكلمة ياروحى ف معانـيـنا
مـعـــــناها غــرام
---------------------
واللحن التالت جـــوَّايا
وجـــــوَّاكى الخير
وتمللى باشوفــك ويايا
زى العـصــــافـير
بنطير ع العش اللى حامينا
ولا مِـنـُّه نـطــــير
---------------------
ياكـُــل ســـعادِة أيامى
أنا قـلـبـــى جـناح
والليل بغرامِك وغرامى
لـُه ألــــف صباح
والفرح اهو جانا يهنـيـنا
مـحـــلا الأفـراح
---------------------
ونسيت التوهة ومشاويرى
وخلاص حـبـيـت
بجناحى بارَفرَف على طِيرى
وانا بابنى البــيت
حَدُّوتـَه بتكتب أســــامينا
أحـلـَى الحــواديت
***
الرئيسية 
