--------------------------------------------------------------------------------
شعور سخيف انك تحس بان وطنك شئ ضعيف
صوتك ضعيف
رايك ضعيف
انك تبيع قلبك وجسمك وانك تبيع قلمك واسمك
ما يجبوش حق الرغيف
سألوا جحا عن سر ضحكه
قالك اصل اتنين وشبكوا اللي كان من تحت ميت
واللي كان من فوق كفيف ده شعور سخيف
وشعور سخيف انك تكون رمز الشحاته
تبني مبني للشحاته تعمل وزاره للشحاته
يا ساقيه دوري عدي فوقي ودوسي
نصبوا عليا وشحتوني فلوسي
ربطوني فيكي حتي ما اتغميت
هم اللي فرحوا ووحدي انا اتغميت
انا اللي صاحب البيت عايش بدون لازمه
ولما مره شكيت ادوني بالجزمه
مش لاقي تطفح اديك
هاتولنا جيبولنا ودولنا وادونا هنجيب منبن ؟ هنجيب منين نديك؟
الرئيسية 
