وتـَنهيدَه فى قـُولـِة آآآه …
==========
الشاعر الطبيب : د / محمد رزق
***
وتـَنهيدَه فى قـُولـِة آآآه …
لـَإنـِّى بَحِـب مَوَّالـِك ؛
وتـَنهيدَه فى قـُولـِة آآآه
وخايف اتوه فى تـِرحالـِك ؛
ورَغم عَـذابـِى باستـَنـَّاه
وباتمَنـَّى ؛ ...
لـَو القاكِى فى يوم جايـَّه
تقوليلى أنا هـِيـَّه
دَفا فى البـَرد شَمسايـَه
لـِبـَحر الشوق مِعـَدِيـَّه ..
*********
وبـَجريلـِك عـَلـَى ألـَمِى ؛
وتِجرَح سِكـِّتِك قـَدَمِى
واشوف الدَمِّ بـِيعـَلـِّم ؛
مَكان خـَطوَه بـاخـَطـِّيها
ورَغم الـدَّمع ِ باتقـَدِّم !!
عـَلـَى كـُلِّ الجـِراح فيها
ولـَو خـَطـِّيت مابارجـَعـشِى
ومَهما قاسيت ماباندَمشِى
كـَإنـِّى باعـشـَق التـُوهـَه
عـَشان وَيـَّاكى بامشيها
سنين عـُمرى بارَسِّـيها
عـَلـَى شـَطـِّك وتـِحلا الآه ..
*********
واعــــــود تانِى ، ...
وابـُص لـنـَفـسِى فى مرايـَه
وافوق تانِى ، ...
واعـِيد تـَرتـيـبـِى جوَّايه
واجيلـِك بـَس مـِش جايب مَعايا النور
ولاشايل فى قلبى سرور
ولا زارع سنين عـُمرى ،
عشان خاطرك بأى زهور
وبرضو وراكى باتقـَدِّم ،
واتوه فى السكة مااتـنـدِّم
لإنـِّى عـرفـت سـكـِّتـنا ،
زُقاق جُوَّاه حَوارى كتـير
صاحِبت التوهه فى المَشاوير
وعارف إنـِّى مِش هارسَى
ولا هالقـَى فى يوم مَرسَى
لـِسِكـِّتـنا ... ؛! حِكايتـنا ...؛!
حِكاية عـُمر ضاع كـُلـُّه
وَرا دُخـَّان بـِنـِجـرى وَراه
وبـِنكـَسِّـل نـِقول الآه
نِخاف لا الآه تِصَحـِّينا
تـِقـَيـِّد يوم خـَطاوينا ؛
تِخـَلـِّينا ...!!
نعـود تانِى نِفـَكـَّر مَرَّة م الأوِّل
نقول ليه الأسى فينا ؟!
وليه الحب يتحول ؟!؛
عـَذاب فـُرقـَه
ونار تِشعـِلـنا مِن جـُوَّه
تـِبـَدِّل ضـَعـف مـِن قِـوَّه
وبتسـيـبنا ، ... !!
رَماد فى صَحرا جـُوَّاها
رياح الهـَجر تِملاها
وكـُل مانِـمشـِى وَيـَّاها
تـِبـَعـتـَرنا مانـِلـقانا ؛؛
ولا نـِشعـُر بـِجـُوَّانا
ونـِتحـَمـِّل ؛...
نـِقول يمكـِن هـَتـِنسانا
وتـِرجـَع تانِى تِـتـعــَدِّل ،
زَمان الحـُزن يـتـبـَدَّل
ونـِلـقـَى الفـَرح يملانا ،
ونـِلـقانا ...!
نِـعـُود م ِالـتـُّوهـَه لـِلمَرسَى ،
ومَركـِب عـُمرنا تـِرسَى
عـَلـَى مينا ؛ ...
تـِنـَـسـِّينا
عـَذاب فى الماضى تـُهنا معاه
وتـَـنهيـــــــــده فِى قولــِــــــــة آآآه .....
*********