مهما خدتنى المدن

كلمات اغنية جميلة اهديت لكل ام وانا بهديها لامى

أنـا مهما خدتني المدن ... وخدتني ناس المدن

دايما صورتك في قلبي ... دليلي في المدن

أطوي المدن وأجيكي ... عطشان لنور عنيكي

وأرمي روحي عليكي ... تطبطبي وتضمي

مبحسش بالبراح ده ... إلا في قلبك يا أمي
أيوة في قلبك يا أمي

كبرت وكل ما أكبر ... يكبر حبك في قلبي

يكبر وأنا ليا غير ... وطنى و انتى و ربى

لما أعود إليكي ... وأبوس على إيديكي

بنسى المدن يا مايا ... في لمستك وعنيكي

وأرمي روحي عليكي ... تطبطبي وتضمي

مبحسش بالبراح ده... إلا في قلبك يا أمي

أيوة في قلبك يا أمي

أنـا مهما خدتني المدن ... وخدتني ناس المدن

دايما صورتك في قلبي ... دليلي في المدن

أمي يا حبيبتي إنتي .. طول عمرك طايرة بيا طايرة بيا

أمي وكأنك إتخلقتي ... علشان تخافي عليا

طول ما إنتي عايشة ليا ... يا نبع م الحنان

لو ضاق الكون عليا ... ليا في قلبك مكان

وأرمي روحي عليكي ... تطبطبي وتضمي

مبحسش بالبراح ده ... إلا في قلبك يا أمي

أيوة في قلبك يا أمي
وأنا مهما خدتني المدن ... وخدتني ناس المدن
دايما صورتك في قلبي ... دليلي في المدن