يا ستي ارحميني عايز ازاكر

********.
الله أكبر الله أكبر ..(أذان الظهر)..

ــــ يارب.. يارب بحق ده الآدان تنجح يا حماده يابن ابنى
وأشوفك دكتور أد الدنيا

ياستى بس أنا فى تجارة

ــــ وماله يابنى هو يكتر على ربنا. ده ربنا قادر على كل شئ

ياستى ونعم بالله بس اللى بيطلع دكتور لازم يكون فى كلية الطب
مش التجارة

ــــ ياللا تجارة تجارة ... ومالها التجارة ... دى حتى التجارة شطارة ..
ده الله يرحمه جدك كان تاجر فى الوكالة أد الدنيا

ياستى التجارة اللى فى الوكالة حاجة واللى فى الكلية حاجة تانية

ــــ ع العموم شد حيلك انت وانا أخلى جدك يخدك معاه الوكاله عشان تتدردح وتتودك فى السوق

جدى إيه اللى هايخدنى معاه ده جدى مات من زمان ياستى

ــــ يامصيبتى عبد الواحد مات .. ياحبيبى ياأخويا .. مكنش يومك ياسبعى

ياستى ده مات من تلاتين سنة

ــــ تلتين سنه .. ده العمر بيجرى ياولاد تصدق ولا حسيت بيهم ياللا أهو غار فى داهيه قطع وقطعت سيرته .. ده كان بخل الدنيا فيه .. ان ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى

ــــ يوه .. وأنا ماسكاك ياوله .. ذاكر ... ذاكرعشان ربنا يكرمك وتنجح وتاخد الدبلون

** ياستى دبلون إيه .. اسمه البكالوريوس

ـــــ انت بتضحك عليه ياوله .. اسمه الدبلون .. الواد ابن فايزة جدع زيك كده فى مدرسة التجارة وخد الدبلون

خلاص دبلوم دبلوم ياستى .. سيبينى بقى عشان أذاكر

ــــ ذاكر .. ذاكر يا أخويا ذاكر ... تعرف ياواد ..ندرن عليا يوم ماتنجح لأكون رايحه خاطبالك عبير بنت رئيسه دى ايه ياواد ..
أدب وأخلاق .. وعلام كمان

ياستى عبير دى معاها اعدادية

ــــ وماله يابنى ... الراجل مايعبهوش إلا جيبه

** راجل ... راجل مين ياستى ... عبير دى بنت

ـــــ عبير ... عبير مين ياوله .. انت بتعرف بنات من ورانا

** لا إله إلا الله أبوس رجلك ياستى أرحمينى بقه

ـــــ طب ذاكر ذاكر جتك نيله وانت طالع براوى كده زى أمكقطعت وقطعت سيرتها...أنامش عارفه أبوك كان اتجوزها على إيه .. حكم ... قال لبس البوصة تبقى عروسة .. بس والله لأكون مبوظه الخطوبة دى ومجوزاه أنيسة بنت أختى

** ياستى خطوبة إيه .. أبويا متجوز أمى من خمسة وعشرين سنة
وبعدين أنيسة دى بنت أخوك مش بنت أختك .. وأساسا إنتى ملكيش إخوات بنات

ـــــ صحيح ياوله .. انت عندك حق أنا مليش إخوات بنات .. أصلى أنا امى ماكنتش بتخلف صبيان

** حراااااام ستى ماتطلعى البلكونة شويه ... ده الهوا حلو بره ..

ـــــ لأ ياخويا فى جدع كده حليوه وشعره مسبسب فى البلكونه اللى فى الوش بيقعد يعاكسنى

** خلاص روحى المطبخ ... أهو زمان أمى خلصت الرز ..

ــــ رز ... رز إيه يابنى * هوأنا ليه سنان للرز ...
أناهطلع البلكونه أحسن ..

** طب أبقى خلى بالك م الهوى ياستى

ـــــ هوى لما يلطشك ..

السلام عليكم
حبيبتي حنين
ههههههههههههههههههههههه
هههههههههههههههههههه
تسلمي حبيبتي ربنا يسعدك يارب
والله حوار جميل فعلا بيضحك حسيت اني معهم
تقبلي مروري البسيط

اختى الحبيبة عاشقة قلب الحنون

اشكرك على مرورك و

يارب الضحكة ما تفارق عبنكى

رز ... رز إيه يابنى أناهطلع البلكونه أحسن ..
* هوأنا ليه سنان للرز ...

اجبلك زبادى يا ماما
مفيش سنان لزبادى يا ابنى طب روحى شفيلك تربه قبل ما الترب تغلا
والله يا حنيت حوار موتى من الضحك

اللهم يجعل ايامك كلها هنا وضحك يارب

تسلمى يا اغلا حنين

» عايز تسبنى مش كدا
» للو عايز تتغير رمضان فرصتك
» لو عايز ضغطك يرتفع .. ادخل
» زوج عايز يكون مكان زوجته
» عايز تعرف انت اهبل ولا لا ادخل تعالا .......