عــشــان خــاطــرى

عشان خاطرى
اسكت..ابعد..ارجع..انسى ... الماضى اللى راح
ظالم..وجارح..وبايع..وراجع ... تقول السماح
،،،،
هفتكرلك ايــه ... اسامحك عليه
لما قلبك راح وخانى ... ولا لما عينيك بــاعونى
ولا يوم مابعدت عنى ... والدموع ساكنه فعيونى
لما كنت فحضن قلبى ... وانت قلبك ويـــا غيــــرى
ولا يوم ما كسرت حبى ... ولا يوم ما نكرت خيرى
انت عارف وانت جنبى ... كام سنه ضاعت من عمرى
اسكت ... عشان خاطرى
،،،،
رااااااااجع
راجع تانى ولسه فاكرنى ... بعد ما قلبك باعنى كسرنى
راجع تبكى عليا عينيك
قبل ما تطلب منى رجوعى ... ليه ما رحمتش كل دموعى
اللى انا ياما بكيتها عليك
لو أخر واحد فى الدنيا ... مش ممكن هشتاق لك ثانيه
انا مش عايزك ... مش حتاجلك ... مش هرجعلك
حتى لو انت حياتى وروحى وعمرى فأيدك
ابعد ... عشان خاطرى
،،،،
قلبى..وحبى..وشوقى..وحضنى ... انساهم خلاص
تجرح..وتظلم..وتألم..وفاكر ... هسامحك خلاص
،،،،
انت عايز ايه ... انت راجع ليه
جاى تجرح قلبى تانى ... ولا تملا حيـــاتى نــــــار
وافضل ارسم فى الأمانى ... وانت تزرع فى المرار
يبقى حبك كل همى ... وافضل اوفى بــدون حساب
تبقى عايش جوه دمى ... وابقى عايش فى العذاب
ولالا اقولك مش هعاتبك ... انتهى وقت العتاب
ابعد ... عشان خاطرى