كارت حرية

كارت حريه

بص يا عم..
من حقك تختار..
ملك أو كتابة..
ولو ف نص الليل..
حد جرك من قفاك..
قول له بقلب جامد..
فين إذن النيابة..
وطالما كده كده بتتسرق..
يبقي ع الأقل تعرف..
مين همّ أفراد العصابة..
إنت بس..
إشحن حرية..
كارت من أبو عشرة..
أو عشرين..
أو خمسين أو مية..
تلاقي قلبك بقي زي الحديد..
وقادر تفوت من أي بوابة..
وتغني للصبح..
وتقول ع الربابة..
بس خللي بالك..
لو رصيدك خلص..
أو انتهت الصلاحية..
ها تتغير العيشة..
وهاتعرف إن الدنيا كدابة..
بنت كدابة..
وها تفتكر كل اللي راح..
وتقول الله يرحمك يامه..
ويرحمك بقي يابا..
لا هاتلاقي عيش وملح..
ولا أصحاب..
ولا أهل..
ولا قانون..
ولا نقابة..
ساعتها بس هاتعرف تفرق..
بين العصافير والديابة..
وإن الكلام الحلو..
والغنا الجميل..
كان مجرد سحابة..
وإنك لسه برضه الواد..
إبن الناس الغلابة..
وإن لسه فيه خوف..
ورصاص..
وعسكر..
ودبابة..
علي فكرة مش دايما
الأسد الجدع النبيل..
بيبقي هو ملك الغابة..

[ندعوك للتسجيل في المنتدى أو التعريف بنفسك لمعاينة هذه الصورة]

كارت حريه ترفع راسك تاخد على دماغك بالبندقيه

معلش يا احمد ياللى من البلد الحلو ديه

انت عارف طول ما معاك رصيد حتعيش مرتاح البال ليا

وخلى بالك لو خلص رصيدك حتاخد على راسك الحلوه ديه

انت عارف ياصحبى لازم نمشى جمب الحيط فى البلد

مبتعتنا ديه

ولو عملت فيها راجل ولمتلى العصبجيه حتدخل بين اربع حيطان

فى الضلمه وحتتعلم الاسيه

معلش يا ابن النيل ده ردى

سلام يا جميل بس اتعرف اهنيك على الاختيار

انا لما اخترت القصيده ديا
عارف ها تعنى ايه بالنسبة ليا
وانا دايما معايا كارت الحرية
علشان انا مبحبش اكون هفية
واذا اتخانقت مع ناس غبية
حتى لوكانوا من وزارة الداخلية
عدى عليهم بالعربية
واذا دخلت السجن هيكون خروجك على ايديا
ودا ياغالى اقل واجب عليا
ما انا قولتلك انا معايا كارت حرية

اخى الغالى احمد المصرى

مرورك اسعدنى وعطر صفحتى
لك منى كل الاحترام والتقدير

كارت الحريه اللى معاك طلعو وحطه تحت العربيه

عشان متقلش معايا كارت حريه

ده كرتك مش جايب حتى عربيه

وروح بله وحطه فى شويت ميه

وتيجى فى عز الضهريه تشرب منه شويه

وتفرق منه للجماعه القناويه

اصلى يا غالي صعبانين عليا

وتبطل الحركات معايا دى

عشان انا المصرى ومش حتقدر عليا

منا قلتلك ده كرتك مش بتاع حنيه

اخى ابن النيل

تيت تيت تيت تيت تيت

لقد نفز رصيدكم الرجاء المحاوله فى ما بعد

كارت ايه اللى احطه فى شوية ميه
ماهو لازم ميجبش العربية
دا كارت مبينظرش لتحت يعنى ميبصش لعربية
دى اقل حاجة طيارة ركاب اوطيارة عسكرية
ومدام بتجيب فى سيرة القناوية
بالنيابة عنهم باقولك دا كارت مفتوح الصلاحية
شاهدين عليه اسكندرانية وسوهاجية
وهتسمع احلى كلام فى القعدة الحلوة ديا
وانت مهما تقول وتحملنى اسية
مش هازعل منك دا انت غالى وعزيز عليا
واذا طلبت عيونى هاخلعهم ودى اقل هدية
ودلوقت اسيبك ياغالى شوية
وهاشوفك هتقول ايه فى ردودك اللى جاية
دا كارت مفتوح الصلاحية

****************

عزيزى العميل هذا المستخدم متاح مدى الحياة
ولديه رصيد حتى الفناء

حقول ايه يا اغلا الناس عليا
دا انت فى منتدى الاخاويه
مقدرش اقول حاجه فى حق القناويه

هم حبيبى وجرانى اصل انا من السوهاجيه
حتى لو كارتهم منتهى الصلاحيه
كارت السوهاجيه تحت امر اعز الناس عليا
ام عيونك الحلوه ديه الفهم فى حرير واحطهم فى قلبى وعنيه

اصلك انت متعرفش معزتك فى الحته الشمال ديه

اسأل حته خالد ابن المصريه
قله حيقلك دا ابن النيل اغلا الناس عليا
وكارتهم مفتوح الصلاحيه
اصل انت عارف كرم السوهاجيه
تعاله بس انت اسكندريه واتمشه على البحر شويه

واستنانى فى العصرى حجبلك اكلت سمك
من المنشيه

ابن النيل اسيبك يلا بقى يا عالي عليا

اروح اشوف اخوك خالد وارغى معاه شويه

السوهاجية ناس غاليين عليا
تلاقى فيهم طيبة ورقة وحنية
ومتشكرين على عزومة السمك ديا
مش مهم العزومة ايه ان شالله تكون فول وطعمية
اهم حاجة تكون فى جو كله الفة وحب وحنية
واذا كارت السوهاجية نفذت صلاحيته
هتلاقى كارت القناوية وصلهم فى مواعيده
من غير مراسيل فى بريده
دا احساس بجيرة ومحبة واخوة فى كل الاحول
ودا مش كلام بيتقال فى اغنية او موال
دا انت عارف جدعنة القناوبة فى كل الاحول
خصوصا مع اخوانا السوهاجية
دول اهل وطيبة وحنية
وجيرة ورجوله ميه الميه
ما انا قولتلك احلى حاجة فى المنتدى القعدة ديا
قعده كلها حب واخوية
ودى عادات حلوة جميلة وصعيدية
وياغالى انا ماشى وهاكلمك بعد ساعتين او اكتر شوية
مانت عارف انا بكتبلك من الشغل ودلوقت المدير عمل كبسه عليا

» كارت احمر لمن ترفعه..؟؟
» كارت دعوة من اقتراح القذافى...