العمر كله عشتهو لك
الحب كله وهبتهولك
القلب ملكتهولك
اليل لعيونك سهرتهولك
زهر بستانى جمعتهولك
كل كلام العشق بعيونى غزلتهولك
الحلم الجميل حلمتهولك
قولى ايه بعد ده كله اعملهولك
ليه قلبك قاسى وناسى الحنيه
وفى لحظة تقسى عليه
وتنسى كل كلام الملاغيه
ويتبدل حالك وامسيت فى حياتك منسيه
ولاتفكر تسأل مره عليه
وتعرف عمل ايه هجرك فيه
ليه وانت عارف انك كل الناس ليه
ليه بتشك فى حبى ليك
وتسيب الغيرة تعمى عنيك
ونارها تحرق فيا وفيك
بتعذبنى ليه وحياتى ملك اديك
مش مصدق ان قلبى اتعلم الحب فيك
بتغير من كلمة ونظرة مش عارفه اعمل ايه ليك
يا حبيبى الحب عمره ماكان قاسى
ولا فى لحظة يكون للحنان ناسى
صدق ان انت كل اهلى وناسى
وحبك فى عينى نورى ونبراسى
واسمك تاج على راسى
بس ياخسارة تعبت قلبك وتعبتنى
وفى لحظة من أديك ضيعتنى
كنت اتمنى لو ساعة الفراق سمعتنى
وسمعت نداء قلبى وبهدوء فهمتنى
ياخسارة الحب الى كان
وياريته فى يوم ماكان
ولا كنت صادفتك فى مكان
ولا جمع بينى وبينك الزمان
لو كنت اعرف انى فى لحظة هيسكنك النسيان
وتنسى حبى وتنسى كل الحنان
ماكنت اعترفت لك بحبى ولا كنت لى فارس الفرسان
الرئيسية 
