لازم نحاكمهم
مبارك .ووزارته..واعوانه.لازم يتجلدو 80 مليون جلده
ده غير عدد الوفيات ..والستات اللى لسه مهيش والده
فى برده شباشب وجزم .من ضمن الوسائل المساعده
لازم نحاكمهم
بعدد اللى ماتو غرق ...وعدد اللى ماتو فى القطر اللى اتحرق
......وعدد الجنود .اللى ماتو على الحدود..وبرده مع الخنزير ولا فرق
كان الاهم عنده البلد؟؟؟ نهبها وسرق
ولحد دلوقتى عايش بفلوسنا ؟؟وانت يا مصرى اتفلق......
لازم نحاكمهم
بعدد المبانى اللى انهارت والشقق
وبعدد الاهانه والخيانه..وتضييع الامانه
بعدد الرحايا والضحايا ..وسحابتهم السوده اللى ضلمت سمايا
بعدد القهر والفقر ..بعدد العوانس وغلو المهر
بعدد المهازل .وعدد كل سيخ فى الجدار العازل
بعدد كل حبه رمل فيكى يا طابا..اللى اليهود احتلوها تانى يابا
مفيش غرابه..مهو كان عميل وباع شعبه وشرعا نقيم عليه حد الحرابه
بقلكم ايه ؟؟سقف المطالب على؟؟؟؟ لازم نعدمهم ..عارفين ليه
بعدد كل التهم ..والبرىء اللى كان فى قانونهم متهم
وبعدد السرطان اللى فى اجساد اطفالنا ألتهم
بزمتكم متكفيش هذه التهم
المفروض نقطعهم
بعدد كل ظابط باع ضميرو..وكان فاكر ان على الارض مفيش غيرو
وبعدد اللى انتهكت اعراضهم فى اقسام الشرطه
وبعدد الخونه اللى هربو وسبونا فى ورطه
وبعدد اللى سابو اماكنهم علشان يخلوها فوضى
وبعدد اللى راحو..لما من الظلم صاحو
وبعدد 30 سنه ..وبعدد شعب مصر وجراحو
لازم نحاكمهم ..نعدمهم...نقتلهم
بعدد المرضى..وبعدد سكوتى لما كنت باخد على قفايا وارضى؟؟
وبعد السنين .والمسنين..والمساجين فى تهم اونطه......
بعدد الوزراء الفاسدين وتجار الشنطه.......
بعدد الفساد..والولاد اللى اتغربو
واللى ماتو فى القوارب واتعذبو
لازم مبارك واعوانه يدوقو من نفس الكاس ويشربو
هو ده مبارك اللى كان ابوكم؟
ملعون ابوه...اللى ذيك أبو؟؟؟
لازم ناخد حقنا منهم
بعدد ديون مصر ..اللى فى عهدهم ملهاش حصر
وبعدد كل يخت..وطيارة خاصه..وكل قصر
لكى الله يا مصر
لازم ندمرهم
بعدد عساكر الامن المركزى.. والاوامر..فى مظاهرة جايه يلا اجهزى
وبعدد الخلاعه والمياعه..وحالات الاغتصاب كل ساعه
وبعدد الشكاوى والحكاوى والبلاوى
الرئيسية 
