حلم بيـكـّفـَّى الزم

حلم بيـكـّفـَّى الزمان ..
***
من كلمات
**
الطبيب الشاعر / د. محمد رزق
***
...
لسه باقى ع التلاقى يوم كمان ..

بس لازم تفتحوا كل البيبان ..

إرفعوا كل الستاير ، وحدوا كل القلوب

خلوا شمس الحب تظهر فى السما والنور يبان ..
***
ياحبايب قربولى ماتخافوش ..

حبنا واضح قوى من غير رتوش ..

والقلوب الطيبين ، ياما بتسامح عيوب ..

والحياة بيهم بتحلا والهنا بيزيد كمان ...
***
هوَّ مين يقدر يعيش يوم فى البعاد ..؟

بعد مايدوق فى اللقا طعم الوداد ..؟.

صدقونى كنت حاير .. كنت تايه فى الدروب ..

بس لما الحب جانى حس قلبى بالأمان ...
***
ياحلاوة لـَمـِّة الأحباب معاك ...

والأمانى الحلوة بانت من هَـناك ..

والأمل عاد والبشاير ، والشروق زاح الغروب ..

واللى باقى فى التلاقى حلم بيكـَفـِّى الزمان ..
***
القاهرة فى يوم
الجمعة 31 أغسطس 2012
***
مع تحيات
الطبيب الشاعر / د.محمد رزق
***

جميل جدا اخ ابن النيل

تحياااااااااااا تي الخالصة

اشتقنالك كثير