منتدى الاخوه ايد فى ايد
مرحبا بك اخى فى الله
المرجوا منك أن تعرّف بنفسك
و تدخل المنتدى معنا إن لم يكن لديك حساب
بعد نتشرف بدعوتك لإنشائه
ونتشرف بكم فى منتدى الاخوه ايد فى ايد
/ اخوكم احمد المصرى

منتدى الاخوه يرحب بكم
 
الرئيسيةالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» قصر البوسيت ع البحر
الأحد 18 يونيو - 15:07 من طرف احمد المصرى

» قرية بلوبيتش ع البحر وبالتقسيط لا تدع ال
الأحد 18 يونيو - 15:06 من طرف احمد المصرى

» اراضي علم الروم بواحة التجاريين
الأحد 18 يونيو - 15:05 من طرف احمد المصرى

» اراضي عجيبة لبناء فيلا ع البحر
الخميس 8 يونيو - 22:00 من طرف خالداء

» ماذا تقول لمن يخطر على بالك الآن
الخميس 16 مارس - 11:44 من طرف احمد المصرى

» كان ياماكان
الخميس 16 مارس - 11:40 من طرف احمد المصرى

» لن انساكى
الخميس 16 مارس - 11:04 من طرف احمد المصرى

» مجموعة برامج لمتعلمي مادة الإنجليزية
الأربعاء 1 مارس - 18:34 من طرف احمد المصرى

»  حصريا كورس تعلم اللغة الانجليزيه حتي ا
الجمعة 11 نوفمبر - 20:44 من طرف خالداء

» لعشاق اللغة الانجليزية اقوى برامج تعليم
الجمعة 4 نوفمبر - 16:39 من طرف خالداء

أفضل 10 أعضاء في هذا المنتدى
احمد المصرى
 
ابن النيل
 
رحاب
 
ابواحمد
 
خالد المصرى
 
دموع ملاك
 
زهرة المدائن
 
عيسى حياتو
 
فطومة
 
عااشقة الفردوس
 
المواضيع الأكثر شعبية
جميع ولايات الجمهورية التونسية
جميع ولايات الجزائر
من رباعيات صلاح جاهين عن الحب
جميع ولايات المملكة المغربية
دعاء لمصر الغاليه
كيفية فتح الايميلات بدون رقم سري......
بطاقات متحركه ..تهنئة لشهر رمضان الكريم
مدن مصر
فساتين جزائرية 2011 - 2012
ماذا تقول لمن يخطر على بالك الآن
المواضيع الأكثر نشاطاً
لعبة التحدي بين الشباب والبناتx_o
بيت العيله . . لاتفوتكم
ماذا تقول لمن يخطر على بالك الآن
جميع ولايات المملكة المغربية
جميع ولايات الجمهورية التونسية
كتاب الطهـــارة (باب المياه)
برهن احساس بالحروف
المليون رد
مباراة كرة قدم بين الأعضاء و العضوات
جميع ولايات الجزائر

شاطر | 
 

 انت ونصفك الاخر

اذهب الى الأسفل 
كاتب الموضوعرسالة
احمد المصرى
المــــدير العـــــام
المــــدير العـــــام
avatar

عدد المساهمات : 5765
الموقع : منتدى الاخوه

مُساهمةموضوع: انت ونصفك الاخر   الجمعة 2 ديسمبر - 12:15


كام واحد فينا ارتبط بحد أو دخل في علاقه مع حد, و كان نفسه في واحد يقول له العلاقه دي ينفع تكمل ولا لأ, كام واحد فينا كان نفسه في علامات ارشاديه تساعده علشان يفهم هو مع الشخص الصح ولا لأ, كام واحد فينا قضى سنين من عمره قبل ما يفهم أنه ما كنش المفروض يمشي في الطريق ده من الأصل, كام واحد فينا فهم بس متأخر أوي أن مش هو ده الانسان الي ينفع يعيش معاه بقية حياته.
في مجتمع زي مجتمعنا ده خيمت عليه أشباح العنوسه عند البنات, و قلة الماده عند الولاد, أصبحت فكرة انك تدور على مين الي هتتجوزه دي فكره فيها كتير من الرفاهيه, احنا كمان هنختار؟!...المهم ان احنا نتجوز و خلاص...و اهي كل الستات شبه بعضها, و ضل راجل ولا ضل حيطه برضه.
بلاش ده كله, مين فينا فاهم نفسه هو شخصيا, و عارف هو عايز ايه من الارتباط, وهو بيرتبط و يتجوز ليه, و منتظر ايه من الطرف الاخر, وعايز يعمل ايه في حياته الي جايه, و و و...مئات الواوات الي المفروض نفكر فيها, أو على الأقل أهالينا يقولوها لنا زي ما بيدلوا بدلوهم في مواضيع العفش و الشقه و الذي منه, انما لو سألت أي حد ماشي في الشارع دلوقتي خاصة الشباب الي زينا وقلت له : أنت اتجوزت ليه ؟, الرد الطبيعي جدا: ....عشان الناس كلها بتتجوز, و يضيف بلهجه فلسفيه : و دي سنة الحياه, و لو سألته: طب يعني ايه سنة الحياه دي؟, هايهرش في دماغه شويه وبعدين يضحك لك ضحكه تدل على فهم عميق للحياه و سنتها.
طيب و بعد مايتم المراد من رب العباد و نوفق راسين في الحلال, كام واحد فينا فاهم ايه المطلوب منه في الجواز, ايه هي الأساسيات و ايه هي الفرعيات فيه, ايه هي الحاجات الي يطنشها احسن عشان الحياه تمشي, و ايه هي الحاجات الي مش المفروض تعدي بالساهل, لو اختلفنا نعمل ايه, و ايه هي الخلافات الصغيره و ايه هي المشاكل الكبيره, طب و نحلها ازاي أو حتى نفكر فيها ازاي.
كل الأسئله دي احنا محتاجين حد يجاوبنا عليها, على فكره أنا مش بهاجم لا الشباب لأن أنا منهم و زيهم, ولا الأهالي لأنهم معندهمش فكره أد ايه ولادهم ممكن يكونوا محتاجين للكلام اكتر من اي حاجه تانيه في الوقت ده, أنا بس عايزه اقول ان احنا المفروض نفكر في مواضيع الارتباط و الجواز دي بطريق مختلفه بقى, أو بمعنى أصح نفكر فيها بجد.
عشان كده أنا حاولت_ قدر ما استطعت_ اني أجمع ماتوصلت اليه من معلومات تخص الموضوع ده في كتاب ( اكتشف نصفك الاخر), و الكتاب ده فيه طرق بسيطه و عمليه تكتشف بيها نفسك أنت الأول, ومنها تقدر تفهم أنت محتاج مين كشريك للحياه, ولو كنت في علاقه فعلا في باب كامل يقول لك اذا كنت انت في العلاقه الصح ولا تاخدها من قصيرها و أنت لسه على البر, ولو كنت أنت متجوز فعلا الكتاب بيشرح لك ايه هي أكتر الحاجات الي ممكن تجيب مشاكل في الجواز, و ازاي لازم تتكلم فيها و تتفق عليها مع شريك حياتك عشان الحياه تبقى اسهل, وايه هي الغلطات الخفيه و الحاجات اللااراديه الي ممكن تحصل في الجواز فتأتي بعكس ماهو مطلوب تماما.
أما لو حضرتك أب أو أم نفسهم ينصحوا ولادهم بكلمتين ينفعوهم في جوازهم, أعتقد أنك هتلاقي في الكتاب ده كلام كتير أوي ينفع في المواقف الي زي دي.
كمان الكتاب فيه استقصاء يحتوي على مجموعه أسئله تخاطب كل الفئات, بداية من الغيرمتزوجين, الى المتزوجين بالفعل, الى حتى الرامل و المطلقين, وبالاجابه على الأسئله دي تقدر تكتشف الكثير عن نفسك و تفكيرك و احساسك بشريك حياتك, و مستوى رضاك عن العلاقه ككل, و ايه الي ناقص فيها , و محتاج تشتغل علي ايه بالضبط عشان تتصلح, ومحتاج تركز على ايه عشان توصل بيها للمستوى المطلوب.
وكان مقصود في الكتاب ده أنه يبعد عن العبارات الجزيله و الكلمات الفخمه و الأساليب المعقده في الكتابه, عشان يتحقق الهدف منه و هو أن يصل الى كل الناس و بسهوله, و أن يدخل في الصميم ويلمس الوتر الحساس مباشرة بدون أي اساليب بلاغيه أو مجازات أو توريات.
مثل هذا الكتاب كثير في المكتبات الأجنبيه , لأنهم ناس تقرأ من أجل الحياه , لا من اجل التسليه او تمضية وقت الفراغ فقط , عشان كده جاء الوقت الي يكون فيه كتب زي دي في مكتباتنا احنا, بس تكون بتخاطبنا بأسلوبنا احنا , و بتتعامل مع تفكيرنا و معتقداتنا احنا, و كفانا استيرادا لكل شئ حتى الأفكار.

((((((((((( منٌتُدُيّٱتُ ٱلٱخٌوِۂ ))))))))))

l]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alo5owah.ahlamontada.com
moon light
عضو جديد
عضو جديد
avatar

عدد المساهمات : 34
العذراء العمر : 40

مُساهمةموضوع: رد: انت ونصفك الاخر   الثلاثاء 6 ديسمبر - 10:21

عندك حق الاول تفهم نفسك وتحدد متطلباتك واحتياجاتك فى نصفك الاخر
بس ياترى بعد ما تلاقيه وترتبط بيه بعد فتره احتياجاتك وطلباتك هتتغي
ر
الرجوع الى أعلى الصفحة اذهب الى الأسفل
احمد المصرى
المــــدير العـــــام
المــــدير العـــــام
avatar

عدد المساهمات : 5765
الموقع : منتدى الاخوه

مُساهمةموضوع: رد: انت ونصفك الاخر   الثلاثاء 6 ديسمبر - 10:33

والله دى بقى مع العشره واخلاقه ولو بيخاف الله فيها

مش هتتغير ان شاء الله وطل ما في بينهم حب

واحترام يبقى مش هتتغير

مشكووووووووووور مووون ليكى على المرور

((((((((((( منٌتُدُيّٱتُ ٱلٱخٌوِۂ ))))))))))

l]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alo5owah.ahlamontada.com
رائعة
مشــــــــــــرف
avatar

عدد المساهمات : 67
السمك العمر : 39

مُساهمةموضوع: انت ونصفك الاخر   الثلاثاء 6 ديسمبر - 18:04



لا أدري هل هو قدرمكتوب أم هو خيار؟؟ يقولون الي مكتوب على الجبين تشوفه العين ...وقال رسول الله صلى الله عليه وسلم ... الحذر لا يقي القدر والدعاء ينفع ...الدعاء ينفع في اختيار النصف الاخر؟؟ اعتقد ذلك واعتقد ايضا ان الاهل لهم دور كبير في ذلك ايضا هم اهل الخبرة في الحياة وهم الاعلم بمن يمكن أن يصلح لاولادهم وبناتهم ...وكثيرا ما يدفع الابناء اخطاء الاهل في الاختيار فلا يوجهون ولا ينبهون على ما يمكن ملاحظته .. هل اخيارهم للشريك وقبولهم له صحيح ام هو زواج وانتهى الامر ولا يهم من يعيش في ظل هذه الشراكة وبالطبع ليسوا هم في نهاية الامر ...انها مهمة شاقة بالفعل...موضوع حساس المفروض المجتمع كله يقف عندها وقفة اهتمام وحرص

((((((((((( منٌتُدُيّٱتُ ٱلٱخٌوِۂ ))))))))))

l]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
احمد المصرى
المــــدير العـــــام
المــــدير العـــــام
avatar

عدد المساهمات : 5765
الموقع : منتدى الاخوه

مُساهمةموضوع: رد: انت ونصفك الاخر   الأحد 11 ديسمبر - 16:30

الحمد لله الذى لم يترك خيراً إلا وأرشدنا إليه فى سواء
فى كتابه الكريم أو في سنة نبيه العظيم عليه أفضل
الصلاة وأتم التسليم فقد قال جل فى علاه فى كتابه الكريم

الخبثات للخبيثين والخبيثون للخبيثات والطيبين للطيبات
والطيبون للطيبات اولئك مبروون مما يقولون لهم مغفرة
وزرق كريم ؟ صدق الله العظيم

اختى الفاضله رائعه هذه الآية الكريمة تتكلم عن بعض
أنواع التكافؤ التى يجب توافرها فى الزواج
فعلى الطيبين من الرجال أن يتزوجوا ممن يشاركهم صفاتهم
فلا ينبغى تزويج فاسق من طيبة أو العكس
وجاء فى الحديث الشريف قوله صلى الله عليه وسلم
تنكح المرأة لأربع لمالها ولحسبها ولجمالها ولدينها
فاظفر بذات الدين تربت يداك

مشكووووووور ليكى وعلى مرورك الطيب

لكى احترامى وتقديرى



((((((((((( منٌتُدُيّٱتُ ٱلٱخٌوِۂ ))))))))))

l]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://alo5owah.ahlamontada.com
 
انت ونصفك الاخر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاخوه ايد فى ايد :: المنتدى العام :: منوعات عامة-
انتقل الى: