حَـــــالِـة سَــــــــــــــــلام ...! ( للط

حَــــــــالِـة سَـــــــــــــــــــــــــــــــلام ...!
***
من كلمات
**
الطبيب الشاعر / د. محمد رزق
*
*
*
لـِلخـَلف دُر ، مِـش لـِلأمام ...!

نـَشـِّـن سِـلاحَـك عَ الـوَطـَن ،

خـَلـَّـص عَـلـيه ...!

تِـلـقـَى الأعادِى تـمَجـِّـدَك ،

وتـوَصَّـلـَـك ، .. تِـبقـَى الـزَّعـيم ،

تِـبـقـَى اللى مالِـك أمرِنا ،

وتـحُـطـِّنا جـوَّا الجَـحـيم ،

وتـقـول عَـلـينا كـُلـِّـنا :

.. حَـبـِّة رِعاع ،

.. شِـلـِّـة هَـمَج ؛

.. مِش مِ البَـشـَر ،

تِـحكـُم علينا بالضياع ،

وتـحُـط فِ أدينا الحَـديد ،

نـاكـُل زَلـَط ،

وبـنِـمضـُغـُه ، يمكِـن نجـوع ..!

يـِمكِـن نِـراهِـن عَ الغـَلـَط ،

يـِمكِـن نِـسابـِق فِ العَـبَـط ،

ونساعِـد الناس اللـَّبَـط ،

تِـعـبُـد إلـَه غـير رَبـِّـنا ،

تِـحكـُم عناصِـر أمرنا ،

وتجُـرَّنا زى الخـيول ،

سِـكـِّة سَـفـَر ،

مِـش لِـلـقـَمَـر ، أو للنجوم ..!

لأ للحَـضيض ،

والمَـعرَكـَة ، ...

بـِتلاعِـب الناس اللى نامِـت فِ العَـسَـل ،

بـِتحَـنـِّى قلب اللى انقـَهَـر طول الـزَّمَن ،

تِـركب عليه وتـوَجـِّهـُه ،

مِش باللـِّجام ، مِش بالأمَـل ،

أصل الحياة ، مَـطلـَب مُحـال ..!

أسطورة أو شئ مِ الخيال ..!

كل اللى عاشوا وسطنا مِـتبَـرمَجـين ..!

والعرض شامل أجرته ؛

قـَهر البَـشـَر ،

قـَتل النفوس الطيبة ،

سِـرقِـة فِـلوس الخـَلق ..

تاجـِر بالسلاح ..!

نـَشـِّن سِـلاحَك عَ الأمَـل ..

خـَزَّق عِـنـيه ،

لازم تكون انتَ اللى شايف وســطِـنا ،

واحنا اللى تايهين فِ الـزِّحام ،

مِـتبَـعتـَرين جـوَّا الحدود ،

تِـسأل نِـجَـهـِّزلك ردود ،

إيـه اللى مَـطلوب يابَـ .. شـَـ .. ــر ..؟!

نِـقـدَر نِـعيـــــش ..!

طَب ماانتوا عايشين فِ الوَطـَن ..؛

يمكِن يكون طالـُه العَـفـَن ..!

زَىِّ اللى كانوا بيحكموه ،

لـَـكِـن خـَلاص ؛ مات الوطـَن ...!

هاتوا الكـَفـَن ياللا وتعالوا غـَسـِّـلوه ،

أو عَـلـِّموه ،

يـِقـدَر يعيش رَغـم المِحَـن ،

حَـــــالِـة سَــــــــــــــلام ...!
***
القاهرة فى يوم
الخميس 27 أكتوبر 2011

*
مع خالص محبتى وتقديرى لجميع المخلصين من أبناء الوطن العربى

*
الطبيب الشاعر / د. محمد رزق
*

*
*

قـَهر البَـشـَر ،

قـَتل النفوس الطيبة ،

سِـرقِـة فِـلوس الخـَلق ..

تاجـِر بالسلاح ..!

نـَشـِّن سِـلاحَك عَ الأمَـل ..
/

خاطره في منتهى الروعه

كلمات قمة فى الجمال

دمت ودام مداد قلمك

سلمت يدك اخي د. محمد رزق ...... ويعطيك الف عافيه

دمت بود

كل التحية والتقدير

.
.
.

يمكِن يكون طالـُه العَـفـَن ..!

زَىِّ اللى كانوا بيحكموه ،

لـَـكِـن خـَلاص ؛ مات الوطـَن ...!

هاتوا الكـَفـَن ياللا وتعالوا غـَسـِّـلوه ،

أو عَـلـِّموه ،

يـِقـدَر يعيش رَغـم المِحَـن

حالة سلام

سيعيش وطنا بسلام وفى امان رغم عنهم سيعيش

وهل الوطن سيموت مستحيل الوطن يموت حتى لو كانت

ارواحنا فداه فداك كلى يا وطنى

وكيف نسمح للملعونين ان يموتو هذا الوطن

نحن نعيش من اجلك يا وطن

دكتر محمد روق بارك الله فيك وفى قلمك المبدع

لك احترامى وتقديرى