كل النجوم ..
سهرانة تحلم بك معايا
حتى القمر
والليل ومن جنبه الشجر
حبوا غنايا والسهر
اتهنوا واتمنوا هوايا
عشقوكى من كتر الكلام
من كتر رسمى فى الملامح
من إن شوقى ليكى جامح
الكل سهران جنب منى
عمال بيسمعنى اما أغنى
بيدارى فينا لما باأخدك جوة حضنى
لما بنتوحد كروح
الكل وف حالة الهيام
بيكونوا غاية فى الانسجام
بيغنوا نفس اللحن
ويقولوا فى نفس الكلام
الكل نام
عمال بيحلم بينا ..
وإحنا طايرين بجناحين
فاردين إيدينا وبعنينا ..
الكل شايف الكون جميل
شايفك صبية بيداريها الليل كأنه ملاية لف
حتى النجوم علشان عينيكى ..
مرصوصة صف.
الرئيسية 
