إسرائيل هنـِّت أوباما
إسرائيـــــل هنـِّت أوُبامــــــــــا
بعــــد مـــا مـوِّت أســــــامــــه
قالــوا إرهابــــي بعِمامَــــــــــه
هـــد حيـــــل الأمريكـــــــــان
ـــــــــــــــــ
رغم أسلوبُـــــه المُغـَـــايِّــــــر
كبِّــــد الإســـــلام خسايِّـــــــر
يوم ما مــــوِّت في العمـــايِّــر
ناس كتيـــــره في الميـــــــدان
ـــــــــــــــــ
بس مش هوَّ اللـــــي فـَجَّــــــر
واللي بالطيــــاره دمَّــــــــــــر
هوَّ بس بصابعُـــــــه أشـَّــــــر
من مـــواقِــــع طالِبـــــــــــان
ــــــــــــــــــ
وانتي يا أمريكــا كـُنتـــــــــي
يوم وافِقتــــي واتعاهِدتــــــي
لابن لادن واشتركتــــــــــــي
ضد جيش الروس زمــــــان
ــــــــــــــــ
والنهارده ع المجاهِــــــــــــد
قولتي إرهابــــي ولابـِــــــــد
وابن صهيون يبقـَـــى شاهِــد
رغم إنـُــه أ ُلـْعُـبَــــــــــــان
ــــــــــــــــ
واللي بيحارب ف أرضـُـــه
جوَّه دارُه بيحْمِي عرضـُـــه
يبقــىَ إرهابــــي وبرضـُــو
يطردوه برِّه المكــــــــــان
ــــــــــــــــ
واللي بيقـَتـِّل ولادنــــــــــــا
واللي ســــارق خير بلادنــا
واللي بيهــدَّد وجودنــــــــــا
خلـِّتــــوه يبقى ف أمـــــــان
ـــــــــــــــــ
واللي في القـُدس ببجاحــــه
خلـَّى ســـاحتـُه مُسْتباحــــه
للجنود يبقي بصراحــــــه
إللي إرهابـــــي وجبــــان
ــــــــــــــــ
يبقى مين فيهُم يا ســـــــام
حط للإرهـــــاب مَقـَـــــام
واللي خاف منـُّه الســـلام
واللي أجرم واللي هــــان ؟
ـــــــــــــــ
ليــه تكِيلــوا بمكياليــــــن
تقتلوا معرفشي ميـــــــن !
والصهاينه المجرمــــــين
تطلِقوا ليهـُــم عنــــــــان
ــــــــــــــــ
طب مموِّتوشي ليـــــــــه
عم شارون السفِيـــــــــــه
واللـِــي قـَتـِّــل وبإيـــديـِـه
أسرى عُــزَّل في الميدان
ــــــــــــــــ
واللا طـَقـْـــم السفــاحيـــن
واللي قاموا ف دير ياسين
دبَّحـــوا الشعْــب الحزين
زي خِـرفــان أو تيــران
ــــــــــــــ
يبقىَ دا الإرهابـــــي فعلا ً
والجميع عارف وأعلــــن
بس فيتـُـو معاكو أرعـــن
ضاع معـاه عدل الميــزان
ــــــــــــــــــ
***********