قبل ما ندخل فى الموضوع اقول للاعضاء ان الارقام اللى فى الموضوع دى احصائية
فى عام 2008
مصر دى طول عمرها بلد العجايب
استعمرت واستنزفت من كل عرق ولون شويه
بس ارجع واقول طول عمرها بلد العجايب مع كل ده تلاقى المصريين عايشين و100 100 ب300 جنيه بس ازاى الله اعلم
بياكلوا وبيشربوا ويتعلموا وربك ساترها
ازاااااااااااى الله اعلم
بس اللى بيلاقى الفرصه يهج منها مبيترددش
ومصر كمان مبقتش تفرق معاها بقت بتطرد كله اهلها قبل زوارها
صحصحولى شويه عشان الكلام
اللى جاى كبير وخطير
وعايز وقفه مننا
بيقولك عدد المهاجرين سنويا يتراوح بين 3-5 مليون من اجمالى 30 مليون مهاجر غيرشرعى (فمابالك بالشرعى اد ايه)
-بيقولك بدأت حكايه الهجره دى تظهر اوى فى الستينات
وكان معظمها لامريكا وكندا وغيرها ومعظمهم اصحاب تعليم عالى متميز
-فى السبعينات وخاصه بعد حرب اكتوبر تضخمت الاعداد
دى بس وجهتهم كانت دول النفط والخليج العرب
-سنه 2000 كان فى 2.8 مليون مهاجر اى 4% من تعداد سكان مصر وحوالى 15% من مجموع المهاجرين فى العالم
- وصلوا دلوقتى الى 4 مليون مهاجر
بيقولك كمان ان اكتر من 6% طلب هجره لامريكا بس
اداره الهجره المصريه بتقول ان 66% من اسباب الهجره
هى لتحسين المستوى المعيشى ثم تليها الدراسه والبحث العلمى ثم الحياه السهله.......
بيقولك كمان ان عدد العاطلين فى مصر 2مليون وناس بتقول 5.4 مليون وغيرهم بيقول 6 مليون ايا كان يعنى
منهم 150 الف عاطل بدرجه دكتوراه
تعالوا بقى نشوف المهاجرين دول شكلهم ايه
820 ألف من الكفاءات
2500 عالم فى تخصصات شديده الاهميه
284 استاذ جامعى فى مجال العلوم والهندسه التطبيقيه
179 استاذ فى مجال العلوم الحياتيه والزراعيه
152 استاذ فى مجال الصحه
225 استاذ فى مجال العلوم التطبيقيه والرياضيات
136 استاذ فى مجال العلوم الاداريه
صدق او لاتصدق
200 الف مصرى بيشتغلوا فى وكاله ناسا الامريكيه
نسبه العقول المشاركه فى التقدم العلمى والتربوى والتكنولوجى فى الدول المتقدمه 2% من مجموع المتميزين فيها
يبقى السؤال الاكبر والمحير
ليييييييه الناس دى هجت ؟
ليييييييه قررت تدى ابداعاتها لدول تانيه
تتامر علينا بيهم؟
وامتى هيرجعوا تانى؟
ولو رجعوا شكل بلدنا هيبقى ايييييه؟
وانا وانت واللى موجودين دلوقتى
هنسبها برده ولا هنتبت فيها؟؟
انا مش بلومهم انا بس بعتب عليهم
عارفين امتى هيرجعوا ويستحملوا الظروف
لما يتاعملوا كمواطنين كبنى ادمين
لهم كرامه ولهم عقليه ولهم شخصيه لكن طول مابينداس بالقدم على كل مبدع
كمان كام سنه مش هنلاقى حد فيها
صدعتكم طبعا بس هو دا الواقع
وباب النقاش مفتوح وياريت الكل
يدينى رايه فى المشكله دى