حرقتي قلبي

حرقتي قلبي يا اللي يحرق قلبك ..... وشفيتي فيا عدايا والحساد
وعلى بالك عاشقك قلبي حبك .... زدتي ليا بالجفا وعنادك زاد
معاك الحق اتعذبيني نشهدلك .... أكوي قلبي على الجمر كي ربي راد
قلبي وصيتوا علمتوا مكرك .... وحيلتو قداش وكلامي مفاد
قتلو اتهنى يا قلب لاتهلك .... راح الحب مع ابنات أزمان جواد
على المحبوب ايهون عنها ماتملك .... تضحي بعمرها وتسمح في الأولاد
تسقملك الاحوال بيها تزهالك .... ويحلى ليك الحب توفى المراد
نص الليل أتجي تبلغ مقصودك .... لوكان يديرو العساس والأرصاد
أما بنات اليوم ماهم من ندك يا قلبي .... ودلالات وباردة عن الحب ابعاد
أنتاع مصالح خاصة وارفد يدك ..... يقروها في المكر في يوم اللي تنزاد
في الحقيقة جمالهم صح ايهلك .... لاكن ياقلبي عقلهم عقل أولاد
خليني من سوقهم واسي حدك .... ولا يغويك جمالهم دير الحياد
وانطق ليا قالي قي ريحلك .... هاذي فلسفة جبتها واش المقصاد
يظهرلي انعيش وحدي في جسدك .... تاعس مثلك لابس تواب الحداد
ماتحيلني مانجم نصبرلك .... هاك اخلقت وهاك ربي راد
نعشق في البنات واعمل ما في يدك .... وحتى يوم انموت ونسكن في اللحاد
بلا بيهم مصاب راني متهلك .... وجلوسي بيناتهم فرحة وأعياد

كلمات جميله جدا

تسلمي حبيبتي فطومه

دايما اختيارك رائع

في انتظار جديدك

تقبلي مروري البسيط

مشكورة حبيبتى رحاب

على مرورك الطيب الدى عطر صفحتى

مودتى

» حزن قلبي؟؟؟
» أنت من سكن في قلبي
» لست قلبي
» أين قلبي
» هم قلبي